Ушбу рукнимиздаги энг сўнгги янгиликлар билан таништиришда давом этамиз.

“Барселона” Мексикаликфутболчи оладми?

Испаниянинг Маrcа нашри берган хабарларга кўра, Каталониянинг “Барселона” жамоаси “Вулверҳемптон” клуби ҳужумчиси Раул Хименесни ўз сафига қўшиб олмоқчи.

Манбанинг маълум қилишича, футболчи борасидаги музокарлар ёзда старт олади. “Бўрилар” ўз ҳужумчисини 70 миллион евродан камига қўйиб юбормоқчи эмас.

Эслатиб ўтамиз, Раул “Вулвурҳемптон” жамоаси сафида 83 та ўйинда майдонга тушган. Унинг хисобида 37 та гол ва 17 та ассист мавжуд.

“Манчестер Сити” “юлдузча”ни кузатмоқда

Англиянинг “Манчестер Сити” футбол клуби скаутлари айни дамда Чехияда бўлиб турибди. ТМW нашрининг берган маълумотларига қараганда, “шахарликлар” “Спарта” ва “Слован” ўртасидаги учрашувни стадиондан кузатишган. Гап шундаки, “Спарта” сафида тўп сураётган Адам Гложек “Сити” жамоасини нишонида турибди. Маълумотларга қараганда, клуб скаутлари 17 ёшли ҳужумчининг ўйинларидан қониқиш хосил қилган ва футболчи ёзда Манчестер шахрига кўчиб ўтади.

Эслатиб ўтамиз, ҳужумчи аллақачон 29 таўйинда майдонга тушди ва ўз хисобига 6 та гол ёзиб қўйди.

“Бенфика” футболчиси 6 та гранд нигоҳида

Португалиянинг “Бенфика” клуби ҳимоячиси Рубен Диаш ёзда гранд жамоалардан бирига ўтади. Бу ҳақида “Mirror” нашри маълумот тарқатмоқда.

Ҳимоячини қўлга киритиш учун курашга “Манчестер Сити” жамоаси ҳам қўшилган бўлиб, “шахарликлар” ҳимоячи учун 80-100 миллион атрофида тўлашга ҳам тайёр эканликларини маълум қилишган.

Шунингдек, ҳимоячи билан «Атлетико», «Ювентус», «ПСЖ», «Реал Мадрид» ва «Манчестер Юнайтед» жамоалари ҳам қизиқмоқда.

Эслатиб ўтамиз, Диаш Португлия чемпионатининг 21 та учрашувида майдонга тушди ва 1 та гол киритишга муваффақ бўлди.

“Реал Мадрид”га “Сити” футболчиси керак

Мадриднинг “Реал” клуби “Манчестер Сити” ярим ҳимоячиси Фил Фоденни ўз таркибига қўшиб оишни истамоқда.

“DonBalon” нашрининг маълум қилишича, “қироллик клуби” Фоденни Лука Модричнинг ўрнини эгаллашини таҳмин қилмоқда. Шу сабабли, “қаймоқранглилар” ярим ҳимоячини қўлга киритиш учун “Манчестер Сити”га 80 миллион евро таклиф қилмоқчи.

Эсалтиб ўтамиз, Фоден ушбу мавсумда АПЛнинг атиги 11 та учрашувидагина майдонга тушди ва 1 та ассистни амалга оширди.

Коутиньо қайси клубга ўтади?

Айни дамда ижара асосида “Бавария”да тўп сураётган “Барселона” футболчиси ёзда катта эҳтимол билан ПСЖ жамоасига ўтади. Бу ҳақида “LeParisen” нашри маълум қилмоқда.

“Бавария” бразилиялик футболчининг трансфер ҳуқуқини сотиб олишдан бош тортгач, ПСЖ Коутиньони Парижга олиб келиш ишларини бошлаб юборди. “Барселона” ярим ҳимоячи учун 120 миллион евро қўлга киритишни истаётган бўлсада, ПСЖ Коутиньони 80 миллион эвазига қўлга киритмоқчи.