Football Italia portalining tarqatgan ma’lumotiga qaraganda, Rimning “Roma” klubiga Erling Xolanni 4 million yevroga sotib olishni taklif qilishgandi.

To‘g‘ri, bunga ikki yil bo‘ldi va Xolanni aytarli hech kim tanimasdi, u mahalliy chempionatda to‘p surardi. "Bo‘rilar" o‘sha paytda hujumchi 4 million yevroga arzimaydi deb hisoblashgan va tavakallachilikka qo‘l urishmagandi.

Eslatib o‘tamiz, Xolann joriy mavsumda "Zalsburg" va "Borussiya" klublarida 29 ta uchrashuvda maydonga tushib, 39 ta gol kiritishga va 8 ta golli pas uzatishga erishdi.