Ushbu ruknimizdagi eng so‘nggi yangiliklar bilan tanishtirishda davom etamiz.
Obomeyang kelajagi borasida qaror qabul qildi
“Londonning “Arsenal” jamoasi hujumchisi Pyer-EmerikObameyang yozda Milanning “Inter” klubiga o‘tishga qaror qildi”,-deb xabar bermoqda ESPN nashri.
Manbaning ma’lum qilishicha, qahramonimiz YECHL musobaqasida ishtirok etishni istamoqda. “Arsenal” hali beri APLning kuchli to‘rtlik jamoalaridan biriga aylana olmagani bois, hujumchi tezroq sovrinlar uchun kurash olib boradiga klub safiga borib qo‘shilmoqchi.
Eslastib o‘tamiz, “Inter” yozda Lautaro Martinesni sotib yuborsa, uning o‘rnini 31 yoshli gabonlik hujumchi bilan to‘lidirishni rejalashtirmqda.
“Everton” Fransiyadan futbolchi olib kelmoqchi
Angliyaning “Everton” klubi yozda jamoa tarkibini “Marsel” yarimhimoyachisi Morgan Sanson bilan kuchaytirib olmoqchi. Bu haqida bir nechta ingliz nashrlari ma’lum qilgan.
Sansonning transferini rahbariyatdan shaxsan Karlo Anchelotti so‘ragani bois, yozda ushbu transfer amalga oshishi aniq. Ayni damda 25 yoshli futbolchining transfermarket portalidagi narxi 28 million yevroni tashkil etmoqda.
Esaltib o‘tamiz, “Everton” “Manchester Yunayted” himoyachisi Kris Smolling bilan ham jiddiy muzokaralar olib borish arafasida turibdi.
Rasman “Ayaks” Ziyeshning o‘rnini to‘ldirdi
Gollandiyaning “Ayaks” jamoasi yarim himoyachisi Hakim Ziyesh yozda “Chelsi” safiga borib qo‘shilishidan xabaringiz bor. Endilikda Gollandiya klubi uning o‘rnini to‘ldirish uchun Braziliyaning “San – Paulo” klubi Entonini jamoaga jalb etadigan bo‘ldi.
Klub rasmiy sayti bergan xabarlarga ko‘ra, braziliyalik futbolchi ushbu mavsum yakunlangach, Gollandiya grandi safiga o‘tadi. Tomonlar 5 yilik shartnomaga imzo chekishga muvaffa bo‘lishdi. “Ayaks” Entoni uchun 15,75 million yevro to‘ladi. Shuningdek, hujumchi “Ayaks” safida o‘zini yaxshi namoyish etsa, bonus tariqasida yana 6 million yevro to‘lanadi.
Esaltib o‘tamiz, “Ayaks” jamoasiga yozda kelib qo‘shiladigan 19 yoshli hujumchi Hakim Ziyeshning o‘rnini to‘ldirishi rejalashtirilmoqda.
“Portu” yulduzi uchun kurash boshlandi
Portugaliyaning “Portu” jamoasi himoyachisi Tomash Eshtevesh bir nechta grand jamoalar e’tibor markazida turibdi. “Calciomercato” nashri bergan xabarlarga ko‘ra, 17 yoshli himoyachining hizmatlari bilan “Yuventus” va “Borussiya” jamoalari jiddiy qiziqib qolgna.
Portugaliyalik himoyachining transfer qiymati 10 million yevroni tashkil etmoqda. “Portu” o‘z tineydjerini yozda qo‘yibyuborishga qarshi emas, biroq klub 20 million yevrodan kamiga Eshtevshni sotmoqchi emas.
Eslatib o‘tamiz, Tomash dunyoning eng iqtidorli futbolchilaridan tuzilgan maxsus ro‘yxatda peshqadamlik qilmoqda.
“Lion” o‘z hujumchisini sotishga tayyor
Ayni damda “Lion” jamoasi sharafini himoya qilayotgan Mussa Dembelening kelajagi ma’lum bo‘ldi. “L’equipe” nashri bergan ma’lumotlarga qaraganda, “Lion” jamoasi direktori Jan-Mishel Ola “Manchester Yunayted” rahbari Ed Vudvordga qo‘ng‘iroq qilgan va o‘z hujumchisini sotishga tayyor ekanligini ma’lum qilgan.
Manbaning xabar berishicha, futbolchining o‘zi ham tezroq “Lion” ni tark etish maqsadida jamoa bilan yangi shartnoma imzolashdan bosh tortgan.
Eslatib o‘tamiz, hujumchi ushbu mavsumda “Liga 1” musobaqasida 25 ta o‘yinda maydonga tushdi va xisobiga 14 ta gol yozib qo‘ydi.
