Ушбу рукнимиздаги энг сўнгги янгиликлар билан таништиришда давом этамиз.
Обомеянг келажаги борасида қарор қабул қилди
“Лондоннинг “Арсенал” жамоаси ҳужумчиси Пьер-ЭмерикОбамеянг ёзда Миланнинг “Интер” клубига ўтишга қарор қилди”,-деб хабар бермоқда ESPN нашри.
Манбанинг маълум қилишича, қаҳрамонимиз ЕЧЛ мусобақасида иштирок этишни истамоқда. “Арсенал” ҳали бери АПЛнинг кучли тўртлик жамоаларидан бирига айлана олмагани боис, ҳужумчи тезроқ совринлар учун кураш олиб борадига клуб сафига бориб қўшилмоқчи.
Эсластиб ўтамиз, “Интер” ёзда Лаутаро Мартинесни сотиб юборса, унинг ўрнини 31 ёшли габонлик ҳужумчи билан тўлидиришни режалаштирмқда.
“Эвертон” Франциядан футболчи олиб келмоқчи
Англиянинг “Эвертон” клуби ёзда жамоа таркибини “Марсел” яримҳимоячиси Морган Сансон билан кучайтириб олмоқчи. Бу ҳақида бир нечта инглиз нашрлари маълум қилган.
Сансоннинг трансферини раҳбариятдан шахсан Карло Анчелотти сўрагани боис, ёзда ушбу трансфер амалга ошиши аниқ. Айни дамда 25 ёшли футболчининг трансфермаркет порталидаги нархи 28 миллион еврони ташкил этмоқда.
Эсалтиб ўтамиз, “Эвертон” “Манчестер Юнайтед” ҳимоячиси Крис Смоллинг билан ҳам жиддий музокаралар олиб бориш арафасида турибди.
Расман “Аякс” Зиешнинг ўрнини тўлдирди
Голландиянинг “Аякс” жамоаси ярим ҳимоячиси Ҳаким Зиеш ёзда “Челси” сафига бориб қўшилишидан хабарингиз бор. Эндиликда Голландия клуби унинг ўрнини тўлдириш учун Бразилиянинг “Сан – Пауло” клуби Энтонини жамоага жалб этадиган бўлди.
Клуб расмий сайти берган хабарларга кўра, бразилиялик футболчи ушбу мавсум якунлангач, Голландия гранди сафига ўтади. Томонлар 5 йилик шартномага имзо чекишга муваффа бўлишди. “Аякс” Энтони учун 15,75 миллион евро тўлади. Шунингдек, ҳужумчи “Аякс” сафида ўзини яхши намойиш этса, бонус тариқасида яна 6 миллион евро тўланади.
Эсалтиб ўтамиз, “Аякс” жамоасига ёзда келиб қўшиладиган 19 ёшли ҳужумчи Ҳаким Зиешнинг ўрнини тўлдириши режалаштирилмоқда.
“Порту” юлдузи учун кураш бошланди
Португалиянинг “Порту” жамоаси ҳимоячиси Томаш Эштевеш бир нечта гранд жамоалар эътибор марказида турибди. “Сalciomercato” нашри берган хабарларга кўра, 17 ёшли ҳимоячининг ҳизматлари билан “Ювентус” ва “Боруссия” жамоалари жиддий қизиқиб қолгна.
Португалиялик ҳимоячининг трансфер қиймати 10 миллион еврони ташкил этмоқда. “Порту” ўз тинейджерини ёзда қўйибюборишга қарши эмас, бироқ клуб 20 миллион евродан камига Эштевшни сотмоқчи эмас.
Эслатиб ўтамиз, Томаш дунёнинг энг иқтидорли футболчиларидан тузилган махсус рўйхатда пешқадамлик қилмоқда.
“Лион” ўз ҳужумчисини сотишга тайёр
Айни дамда “Лион” жамоаси шарафини ҳимоя қилаётган Мусса Дембеленинг келажаги маълум бўлди. “L’equipe” нашри берган маълумотларга қараганда, “Лион” жамоаси директори Жан-Мишел Ола “Манчестер Юнайтед” раҳбари Эд Вудвордга қўнғироқ қилган ва ўз ҳужумчисини сотишга тайёр эканлигини маълум қилган.
Манбанинг хабар беришича, футболчининг ўзи ҳам тезроқ “Лион” ни тарк этиш мақсадида жамоа билан янги шартнома имзолашдан бош тортган.
Эслатиб ўтамиз, ҳужумчи ушбу мавсумда “Лига 1” мусобақасида 25 та ўйинда майдонга тушди ва хисобига 14 та гол ёзиб қўйди.
