Sanoqli kunlardan keyin futbol bo‘yicha O‘zbekiston chempionatining yangi mavsumi start oladi.
Xabaringiz bor, O‘zbekiston Professional futbol ligasi yangi mavsumdan boshlab, klublarga 18 yoshgacha bo‘lgan jamoa bo‘lishi shartligi bo‘yicha talab qo‘ydi. Shuningdek, bu jamoa o‘rinbosarlardan bir kun avval tur o‘yinida maydonga tushishi ham belgilab qo‘yildi. Unga ko‘ra, «Bunyodkor»ning 18 yoshgacha bo‘lgan futbolchilardan iborat tarkibi ham yangi mavsumning ilk o‘yinini safarda, «Surxon»ga qarshi o‘tkazadi. Demak, «Bunyodkor» U-18 28 fevral, o‘rinbosarlarimiz 29 fevral, asosiy tarkib 1 mart kuni «Surxon» bilan hisob-kitob qiladi.
Uchrashuvlarda jamoalarning qaysi rangdagi liboslardan foydalanishi ma’lum bo‘ldi. Mezbonlar uchchala bahsda ham to‘liq oq rangdagi liboslarda maydonga tushsa, «Bunyodkor» futbolchilari ko‘k rangdagi liboslarga harakat qiladi. Ikkita bellashuv Qiziriq tumanidagi BO‘SM maydonida o‘tkazilsa, asosiy tarkib Termizdagi «Surxon» sport majmuasida o‘zaro hisob-kitob qiladi.
U-18 Birinchiligi
«SURXON» - «BUNYODKOR»
28 fevral. Qiziriq. BO‘SM maydoni. 14:00
U-23 Birinchiligi
«SURXON» - «BUNYODKOR»
29 fevral. Qiziriq. BO‘SM maydoni. 14:00
SUPERLIGA
«SURXON» - «BUNYODKOR»
1 mart. Termiz. «Surxon» sport majmuasi. 14:30
