Davlat ulushi bor O‘zbekistondagi oltita futbol klubi sotuvga qo‘yiladi. GoSport.uz manbasi xabariga ko‘ra haqda O‘zbekiston prezidenti Shavkat Mirziyoyevning tegishli qarori imzolanishi kutilmoqda.
Iqtisodiyotda davlat ishtirokini tubdan qisqartirish, davlat aksiya paketlari (ulushlari)ni sotish orqali xususiy sektor rivojlanishi uchun sharoit yaratish maqsadida chiqarilayotgan qaror loyihasida O‘zbekistondagi oltita futbol klublari nomi ham sanab o‘tilgan.
Qarorga ko‘ra, Termizning «Surxon» va «Buxoro» klublari 100 foiz aksiyasi sotuvga qo‘yilgan bo‘lsa, «Paxtakor» klubining Toshkent shahar hokimligiga tegishli 20 foiz, «Dinamo» klubining Samarqand hokimligiga tegishli 7,1 foiz va «Neftchi» klubining Jismoniy tarbiya va sport vazirligiga tegishli 3 foiz aksiyalari ham sotuv uchun qo‘yiladi. Sirdaryoning «Guliston» klubi (30 foiz aksiyasi viloyat hokimligiga tegishli) esa bankrotlik tamoyili asosida tugatiladi.
