Angliyaning «Liverpul» klubi bosh murabbiyi Yurgen Kloppning fikricha, «Uotford»dan qabul qilib olingan mag‘lubiyat jamoaga qo‘shimcha javobgarlikni yuklamaydi.
«G‘alabali seriya jamoaga jangovor ruh berishini turli xil odamlardan tez-tez eshitib turardim. Ba’zida shunday bo‘ldi, lekin bu seriya so‘nggi paytlarda bizga qattiq bosim o‘tkazishni boshladi.
Mavsumda aniq bir maqsadimiz bor. Jamoa keyingi muhim uchrashuv uchun bugun kuchini 100 foiz emas, 95 foiz sarf qilishi fojia emas, chunki, keyingi o‘yin uchun kuch saqlab qolinishi yaxshi holat.
“G‘alabali seriya” kuchimizni tejashimiz uchun yordam bermadi, chunki hamma «Liverpul»dan yana g‘alaba qozonishini kutdi. Endi bo‘lsa biz erkinmiz.
Ushbu mavsumda yetarlicha ko‘p ochko jamg‘ardik. Lekin mavsum yakunida ochkolarimiz soni 100tadan ko‘p bo‘lishini xohlayapman», — dedi Klopp.
