Coca Cola Superligasi 2-tur doirasidan o‘rin olgan “Metallurg” - “Qo‘qon-1912”  uchrashuvi 6 mart kuni Bekobod shahrida bo‘lib o‘tadi. Mazkur bahs oldidan bu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.

O‘zaro o‘yinlar
Mazkur jamoalar shu kunga qadar O‘zbekiston chempionatlarida 20 marta to‘qnash kelishgan. O‘yinlarning to‘qqiztasida qo‘qonliklar g‘alaba qozonishgan. To‘qqizta uchrashuvda bekobodliklarning qo‘li baland kelgan. Ikkita bahsda g‘olib nomi aniqlanmagan. To‘plar nisbati — 32-32.

Bekobodda bo‘lib o‘tgan uchrashuvlar:
27.04. 2019. Metallurg – Qo‘qon 1912  3:1
16.03. 2018. Metallurg – Qo‘qon 1912  1:0
22.09.2017. Metallurg – Qo‘qon 1912  3:0
30.04.2016. Metallurg – Qo‘qon 1912  3:1
06.06.2015. Metallurg – Qo‘qon 1912  2:1
14.05.2003. Metallurg – Qo‘qon 1912  3:1
23.03.2002. Metallurg – Qo‘qon 1912  0:2
20.09.2000. Metallurg – Temiryo‘lchi 6:1
18.04.1999. Metallurg – Temiryo‘lchi 2:0
29.05.1998. Metallurg – Temiryo‘lchi 1:1

Yirik g‘alabalar
«Qo‘qon-1912» ushbu raqibni uch marta yirik hisobda dog‘da qoldirgan – 1999 yilda 5:1, 2003 yilda 4:0, 2017 yilda 3:0. O‘z navbatida “Metallurg” hisobida ham ikkita yirik hisobda mag‘lub etgan – 2000 yilda 6:1, 2017 yilda 3:0.

O‘zaro o‘yinlarda qayd etilgan duranglar esa ushbu jamoalarning birinchi va ikkinchi uchrashuvlarida, ya’ni 1998 yildagi bahslarda qayd etilgan. 21 yildan beri bu klublar to‘qnashuvida durang natija kuzatilayotgani yo‘q.

Hakamlar
6 mart kuni Bekobodda o‘tadigan uchrashuvini Vadim Agishev boshchiligidagi hakamlar guruhi boshqarib boradi.

Coca Cola Superliga, 2-tur
6 mart, juma
“Metallurg” – “Qo‘qon-1912”
Hakamlar: Vadim Agishev, Doniyor Saylavov, Timur Galeev, Farrux Yansupov
Nazoratchi: Vladislav Seytlin
Komissar: Laziz Qo‘chqorov

Boshlanish vaqtlari
“Metallurg” - "Qo‘qon-1912" uchrashuvi, juma kuni Bekoboddagi “Markaziy” stadionda soat 18:15 da start oladi. Ertaga esa ushbu jamoalarning o‘rinbosarlari U-21 birinchiligi 2-turida maydonga tushishadi. Mazkur o‘yin Bekoboddagi "Metallurg" stadionida soat 15:00 da boshlanadi.