“Liverpul” va “Bornmunt” o‘rtasidagi APLning 29-turi doirasidagi uchrashuvdan  so‘ng, “qizillar ustozi” o‘z fikr va mulohazalari bilan o‘rtoqlashdi.

Men o‘z yigitlarimni nimalarga qodir ekanligini yaxshi bilaman, biroq maydonda men emas ular harakat qilishadi. Men avval ham aytganimdek o‘z kuchiga ishonch juda muhim va kerakli hislat. Uni cho‘ntakka solib olib yurishning iloji yo‘q. Bu shunchaki vaqtinchali holat.

Bunday ishonch har qanday jamoaga keladi va ketadi. Buni doimmo ushlab turish hech kimning qo‘lidan kelmaydi. Qachon sen amalga oshirgan barcha narsa amalga oshishni boshlaganida ishonch qaytadi.

Futbolchilarning ruhiy holati hal qiluvchi palada katta rol o‘ynaydi. Biz yigitlar bilan gaplashib oldik. Bugun ular maydonga chiqishdi va maydonning har bir qarichi uchun ayovsiz kurash olib borishdi. Shu o‘rinda, bugungi stadiondagi atmosfera uchun muxlislarimizga o‘z minaddorchiligimni bildirib o‘tmoqchiman. Ular kuchli jamoaga muxlislik qilishga loyiqlar.

Oldimizda YECHL javob uchrashuvi turganidan xabarimiz bor, biroq biz uchun o‘yinlarning barchasi bir hil darajada. Ularning hammasi 90 daqiqa davom etadi va barchasida to‘pni darvozaga ko‘proq kiritgan jamoa g‘alaba qozonadi. Shu sababli, havotirga hojat yo‘q. Biz  maydonga g‘alaba qozonish uchun tushamiz. Shunday ekan, kimga qarshi maydonga tushishimizdan farqli o‘laroq biz faqat g‘alaba uchun harakat qilamiz. APL chempionligi haqida o‘ylashga hali biroz erta. tashqi bosimlarni chetga surib tashlagancha bor e’tiborni yashil maydonga qaratish va mavsumning har bir o‘yinida bor kuch bilan harakat qilish haqida bosh qotirishimiz lozim.

Bizda hozir 82 ochko mavjud. Tan olish lozim, bu juda yoqimli xolat. Biz kurashni davom ettirishimiz kerak. To‘g‘riroq qilib aytsam jang qilishni davom ettirishimiz kerak. Ro‘paramizdan chiqqan barchani mag‘lubiyatga uchratishimiz kerak. Xuddi bugungi o‘yindagi kabi.