Angliya chempionatining 29-turidan o‘rin olgan bahsda «Manchester Yunayted» o‘z uyida «Manchester Siti»ni mag‘lub etdi (2:0). Mezbonlar bosh murabbiyi Ole-Gunnar Sulsher ushbu o‘yin borasida o‘z fikrlari bilan o‘rtoqlashdi.

«Brendon Uilyams va Aaron Van-Bisaka birinchi bo‘limda qanotlarda tajovuzkor o‘yin namoyish qilishdi. Ammo ikkinchi bo‘limda 3-5-2 sxemani 5-4-1'ga o‘zgartirdik. «Siti» futbolchilari to‘pni yaxshi nazorat qilishdi. Ammo biz ularni bizdan qo‘rqishga majbur qildik. Ular har qanday vaqtda gol urishlari mumkin edi. Shuning uchun biz ikkinchi golni urib olishimiz muhim edi.

«Manchester Yunayted» murabbiyi bo‘lish — men uchun katta sharaf. Futbolchilarimiz maydonda borlarini berishmoqda. Ular yaxshi o‘yinchi ekanliklarini yaxshi bilishadi, lekin o‘sishda davom etishlari kerak. «Chelsi» va «Lester»ga yetib olish uchun bizga ochkolar kerak. Shuning uchun ishlashda davom etamiz», – dedi Sulsher.