«Tottenxem» bosh murabbiyi Joze Mourinyo Yevropa chempionlar ligasi nimchorak final bosqichidan o‘rin olgan «RB Leypsig»ga qarshi o‘yin oldidan o‘z fikrlari bilan o‘rtoqlashdi.

«Siz mendan Keyn va Sonsiz qanday gol urishimizni so‘rayapsizmi? Gol urishning ko‘p yo‘llari bor. Hattoki «Leypsig» o‘yinchisi o‘z darvozasiga to‘p kiritishi mumkin.

«Tottenxem»da albatta sovrin qo‘lga kiritishimga ishonaman. Men o‘zim ishlagan har bir jamoada sovrin yutganman va bu ishni «Tottenxem»da ham amalga oshirishga ishonaman.

Men "jarima maydoni akulalari" deb ataydiganlar bizga yetishmayapti. Qon hidini his qilgan futbolchi to‘pni darvozaga to‘riga joylaydi. Shuning uchun biz to‘pni nazorat qilayotganimizda ham ko‘p gol urishimiz qiyin bo‘lmoqda. Himoyada esa bosimni his qilyapmiz. Har safar xatoga yo‘l qo‘yganimizda, buning uchun bizni jazolashadi, degan fikr o‘tadi», – dedi Mourinyo.

Eslatib o‘tamiz, Londonda bo‘lib o‘tgan «Tottenxem» va «RB Leypsig» o‘rtasidagi dastlabki o‘yinda germaniyaliklar 1:0 hisobida g‘alaba qozonishgan edi.