Mavsumda muvaffaqiyatga erishib kelayotgan "Sherlar" Superliga 3-turida "Metallurg" bilan o‘yinda buni davom ettirishga urinib ko‘rishadi.

14 mart kuni Superliganing 3-turida muxlislar Toshkentda “Paxtakor” va "Metallurg" o‘rtasidagi qarama-qarshilikka guvoh bo‘lishadi.

Chempionatlar doirasida klublar 46 bor to‘qnash kelishgan. "Sherlar" 38 bellashuvda zafar quchishgan, 4 o‘yinda "Metallurg" g‘olib chiqqan. 4 uchrashuvda jamoalar durang o‘ynashgan. “Paxtakor” 121 gol urib, o‘z darvozasidan 35 to‘p olib chiqqan. Dastlabki turlardan keyin jamoalar turnir jadvali yuqori pog‘onalaridan joy olib turishibdi. Jamoamiz har ikki o‘yinda zafar quchgan bo‘lsa, raqib bir g‘alaba va bir durang qayd etishga erishdi.

Toshkentdagi o‘yinlarning 21tasida “Sherlar” ustun kelishgan. 2 uchrashuvda durang kuzatilgan. Jamoamiz uydagi bahslarda "Metallurg"ga umuman mag‘lub bo‘lmagan. Oxirgi 8 o‘yinning barchasida "Paxtakor" ushbu raqibdan ustun kelgan. So‘nggi marta Bekobod jamoasi 2016 yilgi mavsumda o‘z maydonida 2:0 hisobida g‘alabaga erishgan. O‘zaro bahslarda eng yirik g‘alaba - 6:0 natijasi "Paxtakor"ga tegishli. 2003 va 2006 yillarda "Sherlar" raqibni shunday natijalar bilan dog‘da qoldirishgan. Yirik g‘alabalarimiz soni jami 14tani tashkil qiladi.

Bellashuvni diskvalifikasiya tufayli "Metallurg" himoyachisi Andrey Shipilov o‘tkazib yuboradi. "Paxtakor"dan Yegor Krimes esa avvalgi turdagi diskvalifikasiyani o‘tab, yana maydonga tushish imkoniyatiga ega.

"Paxtakor" va "Metallurg" o‘rtasidagi uchrashuv 14 mart, shanba kuni "Paxtakor" stadionida soat 18:15da boshlanadi. Muxlislarni chiroyli futboldan bahramand bo‘lishga chaqirib qolamiz.