Argentinaning "River Pleyt" klubi rahbariyati jamoaning barcha a’zolari va futbolchilarini noma’lum muddatga karantinga yubordi, bu haqda klub matbuot xizmati xabar bermoqda.
"14 mart kunidan boshlab klubning barcha a’zolari noma’lum muddatga karantinga jo‘natilmoqda. Klub rahbariyati Butun Jahon Sog‘liqni Saqlash tashkilotining tavsiyasiga va Argentina hukumati qaroriga amal qilmoqda. Ushbu qaror futbolchilarning, klub xodimlarining va ularning oila a’zolarining sog‘lig‘ini saqlashga yordam beradi", - deb yoziladi klub bayonotida.
Qayd etilishicha, bir necha kun oldin klubning bir futbolchisi koronavirus infeksiyasiga chalinganligi to‘g‘risida ma’lumot tarqatilgandi. Qo‘yilgan tashxis noto‘g‘ri bo‘lib chiqdi, lekin karantin barchaning salomatligi uchun qo‘llanildi.
"River Pleyt" 14 mart kuni Superliga Kubogida "Atletiko Tukuman" jamoasiga qarshi o‘ynashi kerak edi.
