Аргентинанинг "Ривер Плейт" клуби раҳбарияти жамоанинг барча аъзолари ва футболчиларини номаълум муддатга карантинга юборди, бу ҳақда клуб матбуот хизмати хабар бермоқда.
"14 март кунидан бошлаб клубнинг барча аъзолари номаълум муддатга карантинга жўнатилмоқда. Клуб раҳбарияти Бутун Жаҳон Соғлиқни Сақлаш ташкилотининг тавсиясига ва Аргентина ҳукумати қарорига амал қилмоқда. Ушбу қарор футболчиларнинг, клуб ходимларининг ва уларнинг оила аъзоларининг соғлиғини сақлашга ёрдам беради", - деб ёзилади клуб баёнотида.
Қайд этилишича, бир неча кун олдин клубнинг бир футболчиси коронавирус инфекциясига чалинганлиги тўғрисида маълумот тарқатилганди. Қўйилган ташхис нотўғри бўлиб чиқди, лекин карантин барчанинг саломатлиги учун қўлланилди.
"Ривер Плейт" 14 март куни Суперлига Кубогида "Атлетико Тукуман" жамоасига қарши ўйнаши керак эди.
