Italiya A seriyasi koronavirus tufayli to‘xtab qolgan mavsumni boshlash va yakunlash davrini muhokama qilmoqda.

Ko‘rib chiqilayotgan rejaga ko‘ra, chempionat 2 may, shanba kuni boshlanadi va bo‘sh stadionlarda o‘tkaziladi. Mavsum esa 30 iyun kuni yakunlanadi. Bu haqda La Repubblica xabar tarqatdi.

Jamoalar aprel oyi o‘rtalaridan mashg‘ulotlarga kirishishadi. Hozirda A seriya rasman 3 aprelga qadar to‘xtatib qo‘yilgan. Manbaga ko‘ra, bu vaqtda chempionatni boshlashning iloji yo‘q.

Avvalroq Italiya klublari chempion jamoa va pastga tushib ketadigan jamoalarni aniqlash uchun pley-off formatdan foydalanishga qarshi chiqishgan edi. Yangi reja bo‘yicha esa har 3 kunda bitta tur o‘yini o‘tkaziladi.

Eslatib o‘tamiz, Italiya koronavirus bilan zararlangan soni 21 mingdan oshib ketdi.