O‘zbekiston Superligasining 3-turidan o‘rin olgan “Andijon” hamda “Navbahor” jamoalari o‘rtasidagi o‘yin yakunlandi. O‘yindan keyingi matbuot anjumaning ikkinchi qismida Aleksandr Xomyakov ishtirok etdi.
– Asabiy o‘yin bo‘ldi. Bosimni his qilib turdik. Birinchi bo‘limda o‘yinimiz o‘xshamadi. Vaziyatlarni yakunlay olmadik. Uchrashuv teng kurashlar ostida kechdi. Muxlislarga katta rahmat. Rahbariyatni yaxshi tushunib turibman, ular ham g‘alaba qozonishimizni xohlashgan edi. Bugungi o‘yinda uzun paslarga e’tibor qaratgandik, ammo ular samarasiz chiqdi. Klubdagi holatni yaxshi tushunib turibman. Rahbariyat bilan ko‘rishib gaplashib olamiz. Uchta o‘yin birorta g‘alaba yo‘q... Ariza yozaman, va jamoani tark etaman.
Mavsum avvalida bir nechta jamoalardan taklfilar bo‘lgan edi, biroq klub uchun ularni rad etganman.
Bugun natija muhim edi. Biz birinchi turda ham yomon o‘ynamadik, lekin chiroyli o‘yinga ochko berilmaydi.
O‘yin natijasiga murabbiy javobgar bo‘ladi. Agar, jamoa g‘alaba qozona olmasa, demak murabbiy yo‘q degani”, - deydi Xomyakov.
