Ўзбекистон Суперлигасининг 3-туридан ўрин олган “Андижон” ҳамда “Навбаҳор” жамоалари ўртасидаги ўйин якунланди. Ўйиндан кейинги матбуот анжуманинг иккинчи қисмида Александр Хомяков иштирок этди.

– Асабий ўйин бўлди. Босимни ҳис қилиб турдик. Биринчи бўлимда ўйинимиз ўхшамади. Вазиятларни якунлай олмадик. Учрашув тенг курашлар остида кечди. Мухлисларга катта раҳмат. Раҳбариятни яхши тушуниб турибман, улар ҳам ғалаба қозонишимизни хоҳлашган эди. Бугунги ўйинда узун пасларга эътибор қаратгандик, аммо улар самарасиз чиқди. Клубдаги ҳолатни яхши тушуниб турибман. Раҳбарият билан кўришиб гаплашиб оламиз. Учта ўйин бирорта ғалаба йўқ...  Ариза ёзаман, ва жамоани тарк этаман.

Мавсум аввалида бир нечта жамоалардан таклфилар бўлган эди, бироқ клуб учун уларни рад этганман.

Бугун натижа муҳим эди. Биз биринчи турда ҳам ёмон ўйнамадик, лекин чиройли ўйинга очко берилмайди.

Ўйин натижасига мураббий жавобгар бўлади. Агар, жамоа ғалаба қозона олмаса, демак мураббий йўқ дегани”, - дейди Хомяков.