"Metallurg" bilan Superliganing 3-turidagi uchrashuv Shota Arveladze uchun "Paxtakor" boshqaruvida 100-rasmiy uchrashuvga aylandi.

Uning jamoadagi ko‘rsatkichlari yuqori ekanini ushbu o‘yinlar statistikasidan ko‘rish mumkin. 100 o‘yindan 75tasi chempionat, 14tasi O‘zbekiston va Liga Kubogi, qolgan 11tasi esa Chempionlar ligasi musobaqalariga to‘g‘ri kelgan. Chempionatda 75 bahsda 55 g‘alaba, 12 durang va 8 mag‘lubiyat kuzatilgan. 170 gol raqib darvozasiga urilib, 54 to‘p o‘tkazib yuborilgan. 177 ochko qo‘lga kiritilgan.

Chempionlar ligasida 6 g‘alaba, 2 durang va 3 mag‘lubiyat qayd etilgan. To‘plar nisbati 17ga 12ni tashkil etadi. O‘zbekiston Kubogida 8 o‘yindan 7tasida muvaffaqiyatga erishilib, 28 to‘p kiritib, 6 gol o‘tkazib yuborilgan. Liga Kubogida 5 g‘alaba va 1 mag‘lubiyat kuzatilgan. Unda raqib darvozasi 17 marta ishg‘ol qilingan. 10 gol esa raqiblar tarafidan urilgan.

Jami ko‘rsatkichlar esa shunday ko‘rinish olgan: 100 o‘yinning 73tasida g‘alaba qozonilgan. 14 bahsda kuchlar teng kelib, 13 bellashuv raqiblar yutug‘i bilan yakunlangan. Jamoamiz 232 to‘p kiritib, darvozasidan 82 gol o‘tkazgan. Gollar o‘rtasidagi +150ni tashkil qilmoqda. Umumiy ochkolar soni esa 233taga yetgan. Arveladze qo‘l ostida "Paxtakor" 75 foiz uchrashuvlarda zafar quchgan, bir o‘yinda 2,32tadan gol urgan va bir bahsga o‘rtacha ochko 2,33tadan qo‘lga kiritilgan.

O‘tgan mavsum o‘zbek klublari ichida birinchi bo‘lib "Paxtakor" trebl qayd etgan jamoaga aylangandi.