"Barselona" yetakchisi Lionel Messi dunyodagi eng ko‘p maosh oluvchi futbolchi unvonini himoya qildi – o‘tgan yili argentinalikning daromadi 131 million yevroni tashkil qildi.
Krishtianu Ronaldu esa o‘z daromadini avvalgi ko‘rsatkichga nisbatan 5 million yevroga ko‘paytirdi va 119 million bilan ikkinchi o‘rinda, PSJ yulduzi Neymar esa 95 million bilan uchinchi o‘rinni egallab turibdi.
Boshqa o‘yinchilar bu uchlikdan ancha orqada. Taqqoslash uchun, to‘rtinchi o‘rinda 38 million yevro bilan "Barsa" futbolchisi Grizmann joylashgan.
