“Tottenxem” klubi “Leypsig” hujumchisi Marsel Zabitserni o‘z safiga qo‘shib olmoqchi. Bu haqda Ispaniya OAV xabar tarqatdi.

Manbaning xabariga ko‘ra, futbolchining transferi “shporlar” uchun 40 million yevroga tushishi mumkin. Londonliklar futbolchini jamoani tark etishi kutilayotgan Xarri Keynga o‘rinbosar sifatida ko‘rmoqda.

Eslatib o‘tamiz, Zabitser xizmatiga shuningdek, “Arsenal” ham qiziqish bildirmoqda. Joriy mavsum futbolchi 25ta o‘yinda maydonga tushib, 8ta gol urgan va 6ta golga assistentlik qilgan.