Ayni paytda faoliyat yuritayotgan futbolchilar orasida eng ko‘p gol urgan futbolchi — bu Krishtianu Ronaldu.

Portugaliyalik futbolchining rasmiy o‘yinlardagi jami gollari soni 725tani tashkil qilmoqda. U shu paytgacha roppa-rosa 1000ta o‘yinda maydonga tushgan. Ronaldu o‘z gollarini «Sporting», «MYU», «Real», «Yuventus» va Portugaliya terma jamoasi safida urgan. Krishtianu hisobida, shuningdek, 221ta assist ham bor.

Ikkinchi o‘rinni Lionel Messi egallab turibdi. Argantinalik futbolchining gollari 697taga yetdi. U mazkur mavsumning o‘zida (agar davom ettirilsa) yetti yuzlik dovonni bosib o‘tsa kerak. Leo barcha gollarini "Barselona" va Argentina termasi safida urgan. Messi hisobida 289ta assist ham bor.

Uchinchi pog‘ona Zlatan Ibrahimovichga tegishli. Shvesiyalik futbolchi faoliyati davomida jami 522ta gol urgan. U ushbu to‘plarni «Malmyo», «Ayaks», «Yuventus», «Inter», «Barselona», «Milan», «PSJ», «MYU», «LA Gelaksi» va Shvesiya terma jamoasi tarkibida kiritgan.