Bugun ikkinchi aprel.
1990 yili tug‘ilgan Miralem Pyanich ayni paytda dunyoning eng yaxshi pleymeykerlaridan biri. "Yuventus" klubi markazi topshirilgan. "Yuve" u bilan o‘zini xotirjam his qiladi. To‘g‘ri, Sarri boshchiligidagi klubda bosniyalik iqtidor o‘z iqtidorini yuz foiz ko‘rsata olmayapti, ammo qobiliyati borasida hech kimda shubha qoldirmagan. "Roma"dagi supero‘yinlari, so‘ng Italiyaning bosh jamoasidagi faoliyati bilan, albatta.

Pyanichning yoshligi og‘ir kechgan. Yoshligi Bolqondagi urush yillariga to‘g‘ri kelgani uchun 3-divizionda omadsiz futbolchi bo‘lgan otasi bilan Lyuksemburgga ko‘chib o‘tishadi. Hatto o‘smirlar o‘rtasidagi jahon chempionatida Lyuksemburg tarkibida o‘ynagan ham.

Italiyaga kelguniga qadar Fransiya divizionida – "Mes"da, so‘ng "Olimpik"da o‘ynagan. "Real"ga 2010 yili ajoyib gol kiritib, hammaning e’tiboriga tushgan. O‘sha kuni "Marsel" klubi uning goli evaziga keyingi bosqichga yo‘l olgandi.

"Roma"da besh yil o‘ynadi. 2016 yildan buyon "Yuventus"da.

U musulmon. Edin ismli o‘g‘li bor. Pyanich bosniya tilidan tashqari besh tilda gaplasha oladi: lyuksemburg, fransuz, ingliz, nemis va italyan tillarida. Kelajakda uni ajoyib murabbiy sifatida ko‘ryapman.

Xayrulla HAMIDOV.