Myunxenning «Bavariya» klubi himoyachi Jerom Boateng karantin qoidalarini buzib, klub rahbariyatini ogohlantirmasdan, o‘zboshimchalik bilan Myunxen tashqarisiga chiqib ketgani uchun, klub rahbariyati tomonidan jarimaga tortilgan edi.
Biroq, futbolchi bu jarimani adolatsizlik deb atadi.
«Tan olaman, men klubni ogohlantirib qo‘yishim kerak edi, ammo, bu vaziyatda meni ham tushunishlari kerak edi. Men faqat o‘z farzandim haqida o‘yladim. U kasal edi. Kasal o‘g‘il otasini chaqirib tursa, qanday qilib ota kasal farzandining yoniga bora olmasligi mumkin. Men bu ishni har qanday vaqtda va har qanday vaziyatda qilaman.
Men jazoni qabul qilaman, lekin, klub menga nisbatan noto‘g‘ri ish tutdi deb hisoblayman», — dedi Boateng.
