Мюнхеннинг «Бавария» клуби ҳимоячи Жером Боатенг карантин қоидаларини бузиб, клуб раҳбариятини огоҳлантирмасдан, ўзбошимчалик билан Мюнхен ташқарисига чиқиб кетгани учун, клуб раҳбарияти томонидан жаримага тортилган эди.
Бироқ, футболчи бу жаримани адолатсизлик деб атади.
«Тан оламан, мен клубни огоҳлантириб қўйишим керак эди, аммо, бу вазиятда мени ҳам тушунишлари керак эди. Мен фақат ўз фарзандим ҳақида ўйладим. У касал эди. Касал ўғил отасини чақириб турса, қандай қилиб ота касал фарзандининг ёнига бора олмаслиги мумкин. Мен бу ишни ҳар қандай вақтда ва ҳар қандай вазиятда қиламан.
Мен жазони қабул қиламан, лекин, клуб менга нисбатан нотўғри иш тутди деб ҳисоблайман», — деди Боатенг.
