Ushbu ruknimizdagi eng so‘nggi yangiliklar bilan tanishtirishda davom etamiz.
Kavani qaytadimi?
PSJ hujumchisi Edinson Kavani o‘z faoliyatini Italiyada davom ettirishi mumkin.
“Tuttosport” nashri bergan xabarlarga qaraganda, “Napoli” Kavaniga yiliga 7 million yevro maosh ko‘rsatilgan shartnoma taklif qiladi.
Bundan tashqari, klub agar Kavani shartnomaga qo‘l qo‘ysa,bonus tariqasida yana 7 million yevro berishni ham rejalashtirmoqda.
Eslatib o‘tamiz, Kavani yozda erkin agent maqomini oladi.
Brozovich qoladimi?
Milanning “Inter” klubi yarim himoyachisi Marselo Brozovich yozda “Manchester Yunayted”ga o‘tishi mumkinligi haqida avvalroq xabar bergan edik.
“Calciomercato” nashri bergan xabarlarga qaraganda, “Inter” o‘z futbolchisini jamoada saqlab qolishga qaror qilgan.
Tez orada “Inter” xorvatiyalik futbolchi bilan yangi shartnoma imzlashi kutilmoqda.
Manba bergan xabarlarga suyadigan bo‘lsak, “ko‘k-qoralar” 27 yoshli futbolchining tavon pulini 60 million yevro etib tayinlashadi.
“Liverpul” “Verder” futbolchisiga qiziqmoqda
Angliyaning “Liverpul” jamoasi Bremenning “Verder” klubi hujumchisi Milot Rashis bilan shartnoma tuzishga yaqin turibdi.
“Bild” nashri bergan xabarlarga qaraganda, “Mersisaydliklar” 23 yoshli vingerni o‘z safiga qo‘shib olish uchun 35 million yevro sarflashga tayyor.
Agar “Verder” Bundesligadan tushib ketsa, hujumchining narxi yanada pasayib ketishi mumkin.
“Roma” turkni sotishga tayyor
Rimning “Roma” klubi o‘z hujumchisi Jengiz Underni sotib yuborishga tayyor.
“Coriera della Sport” nashri bergan xabarlarga qaraganda, rimliklar murabbiylar shtabi turkning o‘yinidan qoniqish xosil qilmayapti va uni yozda sotib yuborishga qarshi emas.
Eslatib o‘tamiz, avvalroq hujumchi bilan “Bavariya”, “Inter”, “Arsenal” va “Everton” jamoalari qiziqish bildirgan edi.
Bernard ketadigan ko‘rinadi
Liverpulning “Everton” klubi yarim himoyachisi Bernard yozgi transfer chog‘ida jamoasini o‘zgartishi kutilmoqda.
Bu haqida “The Sun” nashri xabar tarqatgan. Manbada yozilishicha, braziliyalik futbolchi bilan “Roma” klubi jiddiy qiziqib qolgan.
Eslatib o‘tamiz, 27 yoshli futbolchi bu mavsumda APLning 19 ta uchrashuvida maydonga tushdi va o‘z hisobiga 3 ta gol va 2 ta assist yozib qo‘ydi.
