Turinning «Yuventus» klubi afsonaviy futbolchisi Alessandro Del Pyero turinliklar safidagi faoliyati haqida so‘zlab berdi.
«Dibala jamoani bir necha marotaba sardor sifatida maydonga boshlab tushdi. Agar u sardor deb topildimi, demak, u bunga loyiq.
U haqida shaxsan bilganimni, maydonda va uning tashqarisida qanday ko‘rinishini hisobga olsak, menimcha, Paolo haqiqatdan ham so‘nggi paytlarda o‘sishga erishdi. Dibalaning yozdagi voqealarga bo‘lgan munosabati uning qanday o‘sganini ko‘rsatdi.
Biz uni tinimsiz mehnat qilishni yaxshi ko‘rishini bilardik, bugun men uni yanada mukammal o‘yinchiga aylanganini his qilyapman.
Men bolaligimdan «Yuventus»ni qo‘llab-quvvatlaganman, bor imkoniyatlarimni ishga solganman, hatto jamoa B Seriyaga tushirib yuborilganida ham jamoani tark etmaganman va faoliyatimni yakunlashdan oldin uni A Seriyaga qaytishiga munosib hissamni qo‘shdim deb o‘ylayman.
«Atalanta»ga qarshi finalda bo‘lib o‘tgan o‘yin eng ko‘p kulminasiyaga boy bo‘lgan o‘yin sifatida xotiramdan joy olgan. O‘sha kuni stadiondagi odamlarni va jamoadoshlarimni quchoqlaganimni tasvirlashga so‘z ojiz.
«Yuventus»ga bo‘lgan muhabbatim abadiydir va u hech qachon tugamaydi»-dedi Del Pyero.
