Туриннинг «Ювентус» клуби афсонавий футболчиси Алессандро Дель Пьеро туринликлар сафидаги фаолияти ҳақида сўзлаб берди.

«Дибала жамоани бир неча маротаба сардор сифатида майдонга бошлаб тушди. Агар у сардор деб топилдими, демак, у бунга лойиқ.

У ҳақида шахсан билганимни, майдонда ва унинг ташқарисида қандай кўринишини ҳисобга олсак, менимча, Паоло ҳақиқатдан ҳам сўнгги пайтларда ўсишга эришди. Дибаланинг ёздаги воқеаларга бўлган муносабати унинг қандай ўсганини кўрсатди.

Биз уни тинимсиз меҳнат қилишни яхши кўришини билардик, бугун мен уни янада мукаммал ўйинчига айланганини ҳис қиляпман.

Мен болалигимдан «Ювентус»ни қўллаб-қувватлаганман, бор имкониятларимни ишга солганман, ҳатто жамоа Б Серияга тушириб юборилганида ҳам жамоани тарк этмаганман ва фаолиятимни якунлашдан олдин уни А Серияга қайтишига муносиб ҳиссамни қўшдим деб ўйлайман.

«Аталанта»га қарши финалда бўлиб ўтган ўйин энг кўп кулминацияга бой бўлган ўйин сифатида хотирамдан жой олган. Ўша куни стадиондаги одамларни ва жамоадошларимни қучоқлаганимни тасвирлашга сўз ожиз.

«Ювентус»га бўлган муҳаббатим абадийдир ва у ҳеч қачон тугамайди»-деди Дел Пьеро.