Angliyaning "Manchester Yunayted" klubi bosh murabbiyi Ole-Gunnar Sulsher koronavirus pandemiyasi paytida futbolchilarning tanqidlariga izoh berdi.
- Futbolni ayblash oson. Futbolchilarga shikoyat qilish adolatsizlik deb bilaman. Ular o‘z vazifalarini bajarishmoqda va bu vaziyatga yordam berish uchun ko‘p ishlarni amalga oshirishmoqda. Hamma ham xato qiladi va xatolar orqali o‘rganib boriladi. Hozir gap sog‘liqni saqlash assosiasiyasiga yaxshiroq yordam berish borasida qaror qabul qilish to‘g‘risida ketmoqda. Har bir klub hozirgi vaziyatda to‘g‘ri deb bilgan narsasini qilishi mumkin. Barchamiz yaxshi odamlarmiz. Ishonamanki, barchamiz bu davr tezroq yakuniga yetishini istaymiz, — Sulsherning so‘zlaridan iqtibos keltirmoqda Sky Sports.
Eslatib o‘tamiz, avvalroq Angliya terma jamoasi sobiq futbolchisi Ueyn Runi maoshlarning qisqartilishini keskin tanqid qilgan edi.
