«Manchester Yunayted» yarim himoyachisi Pol Pogba yanvar oyida to‘pig‘idan qilingan operasiyadan so‘ng to‘liq tiklanishga yaqin turganini aytib o‘tdi.
«To‘p bilan ishlashni boshladim. Uzoq vaqt davomida tushkunlikda bo‘lgandim, endi esa men deyarli safdaman. Shu bois, jamoaviy mashg‘ulotga qaytish haqida o‘ylayapman.
Faoliyatimda bunday holat bo‘lmagan edi. Yuzaga kelgan bo‘shliq meni tezroq maydonga qaytishga majbur qilmoqda. Shuningdek, futbolni qanchalik yaxshi ko‘rishimni anglab yetdim», — dedi Pogba "United Podcast"ga bergan intervyusida.