Ushbu ruknimizdagi eng so‘nggi yangiliklar bilan tanishtirishda davom etamiz.
Lyakazzet "Atletiko"da?!
Madridning “Atletiko” klubi “Arsenal” hujumchisi Aleksander Lyakazzetni o‘z safiga qo‘shib olishni rejalashtirmoqda.
AS nashri bergan xabarlarga qaraganda, “Matraschilar” fransiyalik hujumchini Diyego Kostaning o‘rnini to‘ldirishni reja qilmoqda.
Manba bergan xabarlarga qaraganda, “Atletiko” klubi jamoadagi eng katta maosh oluvchi futbolchisini yozda “A seriya”ga sotib yubormoqchi.
Saneda tanlov ko‘p
Angliyaning “Manchester Siti” klubi hujumchisi Leroy Sane yozda boshqa klubga ko‘chib o‘tishi haqiqatga yaqinlashib bormoqda.
“Bild” nashri bergan xabarlarga qaraganda, “Bavariya” klubidan tashqari yana 4 ta grand klub futbolchi borasida “Siti”ga taklif bilan chiqqan.
Eslatib o‘tamiz, nemis futbolchisi yozda klubni tark etishga tayyor ekanligini rasman e’lon qilgan.
Demirel “Yuve”da qoladimi?
Turinning “Yuventus” futbolchisi Merix Demirel kelajagi borasida yakuniy qarorga keldi.
“Tuttosport” nashri bergan xabarlarga qaraganda, 22 yoshli futbolchi bir nechta grand jamoalardan taklif bo‘lishiga qaramay, Turinda qolishga qaror qildi.
Eslatib o‘tamiz, himoyachi bilan so‘nggi kunlarda “Atletiko”, “Arsenal”. “Everton”, “Lester” va “Milan” jamoalaridan takliflar kelib tushgan.
Lempard yarim himoyachi izlamoqda
Londonning “Chelsi”klubi ustozi Frenk Lempard “Derbi Kaunti” yarim himoyachisi Maks Berdni “Chelsi”ga olib kelishni istamoqda.
“Footballinsider” nashri bergan xabarlarga qaraganda, “aristokrat”lar 19 yoshli futbolchi uchun 5,7 million yevro sarf etishi kutilmoqda.
Eslatib o‘tamiz, Berd chempionshipda 13 ta uchrashuvda maydonga tushdi va ikkita assistni amalga oshirdi.
“Yuventus” Sandrodan qutilmoqchi
Turinning “Yuventus” jamoasi qanot himoyachisi Aleks Sandro yozda o‘zi uchun yangi jamoa izlashni boshladi.
“Tuttosport” nashri bergan xabarlarga qaraganda, “Yuventus” Sandroning o‘rnini Ashraf Hakimi bilan to‘ldirishni rejalashtirmoqda.
Eslatib o‘tamiz, Turin klubi 29 yoshli braziliyalik futbolchi borasidagi barcha takliflarni ko‘rib chiqishga tayyor ekanligini rasman e’lon qildi.
