Ушбу рукнимиздаги энг сўнгги янгиликлар билан таништиришда давом этамиз.
Ляказзет "Атлетико"да?!
Мадриднинг “Атлетико” клуби “Арсенал” ҳужумчиси Александер Ляказзетни ўз сафига қўшиб олишни режалаштирмоқда.
АS нашри берган хабарларга қараганда, “Матрасчилар” франциялик ҳужумчини Диего Костанинг ўрнини тўлдиришни режа қилмоқда.
Манба берган хабарларга қараганда, “Атлетико” клуби жамоадаги энг катта маош олувчи футболчисини ёзда “А серия”га сотиб юбормоқчи.
Санеда танлов кўп
Англиянинг “Манчестер Сити” клуби ҳужумчиси Лерой Сане ёзда бошқа клубга кўчиб ўтиши ҳақиқатга яқинлашиб бормоқда.
“Bild” нашри берган хабарларга қараганда, “Бавария” клубидан ташқари яна 4 та гранд клуб футболчи борасида “Сити”га таклиф билан чиққан.
Эслатиб ўтамиз, немис футболчиси ёзда клубни тарк этишга тайёр эканлигини расман эълон қилган.
Демирел “Юве”да қоладими?
Туриннинг “Ювентус” футболчиси Мерих Демирел келажаги борасида якуний қарорга келди.
“Tuttosport” нашри берган хабарларга қараганда, 22 ёшли футболчи бир нечта гранд жамоалардан таклиф бўлишига қарамай, Туринда қолишга қарор қилди.
Эслатиб ўтамиз, ҳимоячи билан сўнгги кунларда “Атлетико”, “Арсенал”. “Эвертон”, “Лестер” ва “Милан” жамоаларидан таклифлар келиб тушган.
Лемпард ярим ҳимоячи изламоқда
Лондоннинг “Челси”клуби устози Френк Лемпард “Дерби Каунти” ярим ҳимоячиси Макс Бердни “Челси”га олиб келишни истамоқда.
“Footballinsider” нашри берган хабарларга қараганда, “аристократ”лар 19 ёшли футболчи учун 5,7 миллион евро сарф этиши кутилмоқда.
Эслатиб ўтамиз, Берд чемпионшипда 13 та учрашувда майдонга тушди ва иккита ассистни амалга оширди.
“Ювентус” Сандродан қутилмоқчи
Туриннинг “Ювентус” жамоаси қанот ҳимоячиси Алекс Сандро ёзда ўзи учун янги жамоа излашни бошлади.
“Tuttosport” нашри берган хабарларга қараганда, “Ювентус” Сандронинг ўрнини Ашраф Ҳакими билан тўлдиришни режалаштирмоқда.
Эслатиб ўтамиз, Турин клуби 29 ёшли бразилиялик футболчи борасидаги барча таклифларни кўриб чиқишга тайёр эканлигини расман эълон қилди.
