25 aprel. Bu kuni o‘zbek futboli sharhlovchiligiga ulkan hissa qo‘shgan, ko‘pgina bugungi sharhlovchilar ustozi Davlat Turdialiyev tug‘ilgan sana.
1962 yilning 25 aprelida Farg‘ona viloyatida tug‘ilgan insonning eng muhim jihati – shogirdlarini halollikka chorlagani, sharhlovchilikdan avval haqiqiy Inson bo‘lishga undaganidir. Bu mehnatlarning mevasini bugungi kun tomoshabini ko‘rib turibdi.
Barchasi uchun shu insondan minnatdormiz. Va doimo biz Davlat akaning haqiga duodamiz. Iloyim, borgan joylari Robbimizning eng yaxshi maskanlaridan bo‘lsin. Farzandi arjumandlari ham Futbol TV telekanalida otasining izidan ketib, shu sohada faoliyat olib boryapti. Ustozimiz ko‘ra olmagan baxtu iqbollarni oila a’zolariga bersin.
Xayrulla Hamidov.
