"Arsenal"ning hujumchi Pyer-Emerik Obameyang bilan yangi shartnoma borasidagi urinishi samarasiz yakunlandi.
"Daily Mail" tarqatgan xabarga ko‘ra, pandemiya boshlangunga qadar Pyer-Emerik haftalik maoshini 300 ming funtgacha oshirilishini istayotgan edi. Shuning uchun muzokaralar ancha vaqtgacha boshi berk ko‘chada turgan edi. "Arsenal" inqiroz paytida o‘zining iqtisodiy imkoniyatlarini chamalab ko‘rib, Obameyang bilan muzokarani davom ettirishdan voz kechishga qaror qildi.
Shu bois, klub uni transferi yuzasidan tushadigan takliflarni ko‘rib chiqishga tayyor. Aks holda, gabonlik futbolchi 2021 yilning yozida klubni bepul tark etadi.