Ushbu ruknimizdagi eng so‘nggi yangiliklar bilan tanishtirishda davom etamiz.
Van De Bek nishonda
Gollandiyaning “Ayaks” yarim himoyachisi Donni Van De Bek yozda jamoasini o‘zgaritirishga yaqin turibdi.
“Mundo Deportivo” nashri bergan xabarlarga qaraganda, 23 yoshli futbolchining hizmatlari bilan bir yo‘la uchta grand jamoa qiziqib qolgan. Unga ko‘ra, “Yuventus”, “Real Madrid” va “Manchester Yunayted” klublari yarim himoyachi uchun 50 million yevro to‘lashga rozi.
Manbaning ma’lum qilishicha, Donni uchun “qizil iblislar” o‘yin amaliyotini taqdim etishga qodir bo‘lgani uchun, futbolchi APLga yo‘l olishga yaqin turibdi.
Arteta umid qilmoqda
Londonning “Arsenal” jamoasi bosh murabbiyi Mikel Arteta yozda asosiy transfer nishonini aniqlab oldi. Unga ko‘ra, “Barselona” markaziy himoyachisi Samuyel Umtiti klubning birinchi raqamli transfer maqsadiga aylangan.
Sport nashriberganxabarlargaqaraganda, 26 yoshlifutbolchiuchunKataloniyaklubi 50 million yevro talab qilmoqda.
Manba bergan xabarlarga qaraganda, “Arsenal” Umtiti uchun talab qilinayotgan pulni to‘lashga tayyor, biroq Umtiti YECHLda ishtirok etmaydigan klubda to‘p surishni istamasligi mumkin.
“Bavariya” iqtidorli futbolchi izlamoqda
Myunhenning “Bavariya” jamoasi yozda “Lion”ning yosh va iqtidorli himoyachisi Piyer Kalulu bilan shartnoma imzolashi mumkin.
“Sport1” nashri bergan xabarlarga qaraganda, “FK Gollivud” 19 yoshli futbolchini erkin agent sifatida qo‘lga kiritishni rejalashtirmoqda.
Ta’kidlaab o‘tish joiz, Piyer “Lion”ning barcha yoshdagi jamoalarida to‘p surgan bo‘lib, ayni damda himoyadagi universal futbolchi sanaladi.
“Liverpul” va “M-YU” futbolchi uchun kurashda
“Brayton” jamoasi himoyachisi Ben Uayt yozda APL grandlaridan birida ko‘rinish berishi mumkin.
“Daily Mirror” nashri bergan xabarlarga qaraganda, 22 yoshli ingliz futbolchisi bilan “Liverpul” va “Manchester Yunayted” jamoalari jiddiy qiziqib qolgan. Ushbu klub skautlari allaqachon Benning chempionshipdagi o‘yinlarini tomosha qilishga ulgurishgan bo‘lib, tez orada jamoalari himoyachiga shaxsiy shartnoma taklif etishga yaqin turibdi.
Eslatib o‘tamiz, Ben Uayt aslida “Lids” jamoasi futbolchi sanaladi. U ayni damda “Brayton”da ijara asosida to‘p surmoqda.
“Everton” “Barsa” bilan aloqaga chiqadi
Angliyaning “Everton” jamoasi tez orada “Barselona” bilan muzokaralarni boshlashi mumkin. “DailyMail” nashri bergan xabarlarga qaraganda, Jan-Kler Todibo borasida “irislar” taklif bilan murojaat etishlari kutilmoqda.
Manba bergan ma’lumotlarga qaraganda, Liverpul shaxri jamoasi 20 yoshli futbolchi uchun 17,4 million funt sterling taklif etishni rejalashtirmoqda.
Eslatib o‘tamiz, ayni damda Todibo ijara asosda Bundelisiga jamoasi “Shalke 04” sharafini himoya qilmoqda. Agarda ushbu transfer amalga oshsa, u Katoliniyadan Liverpulga ko‘chib kelgan (Din, Mina) 3-himoyachiga aylanishi mumkin.
