Barcha qiyinchiliklarga qaramay, Patris Evra bolaligini baxtli davr deb atadi.
Fransiya terma jamoasi sobiq futbolchisi Patris Evra o‘zining qiyin bolalik davrlari haqida gapirib berdi.
"Bolaligim juda qiyin o‘tgan. Mening aka va opalarim juda ko‘p edi. Biz ko‘chada yashardik va gohida to‘yib ovqat yeya olmasdim. Tan olishdan qo‘rqmayman, do‘konlar oldida odamlardan pul so‘rardim. Do‘konlarni oldida turardim. Yonimdan o‘tgan odamlardan bir yevro bera olasizmi, deb pul so‘rardim. Gohida menga pul berishardi, gohida esa berishmasdi. Lekin, men shunchaki buterbrod sotib olishni xohlardim.
Qiyin, ammo, baxtli davr edi. O‘zimni doim omadli deb hisoblardim. Men hech narsani o‘zgartirishni xohlamasdim, chunki, shu sinovli davrlar sababli, men shu darajaga yetdim. Men ko‘chada juda ko‘p narsalarni o‘rgandim va bu meni kuchli qilishga undadi", - dedi Evra "Manchester Yunayted" klubining rasmiy saytiga.
Eslatib o‘tamiz, Evra o‘zining 20 yillik faoliyatida davomida "Nissa", "Monako", "Manchester Yunayted", "Yuventus", "Marsel" va "Vest Xem" klublarida faoliyat olib bordi.
