"Yuventus" hujumchisi Krishtianu Ronalduning rafiqasi Jorjina Rodriges instagramdagi sahifasi orqali odamlarni koronavirus bilan kurashish bo‘yicha barcha tavsiyalarni bajarishga chaqirdi. U barchadan tibbiy niqob taqishni so‘radi.
"Niqob taqish bizni COVID-19 tarqalishidan himoya qiladigan asosiy qoidadir. Biz ushbu kasallikka chalingan odamlarning sonini kamaytirishimiz va niqob taqish kabi oddiy harakatlar bilan dunyoni qutqarishimiz mumkin. Iltimos, ushbu murojaatni tarqatishda davom eting. Birgalikda g‘alaba qozonishimiz mumkin”, — deb yozdi Rodriges.