Ushbu ruknimizdagi eng so‘nggi yangiliklar bilan tanishtirishda davom etamiz.
Alkantara qoladimi?
Myunhenning “Bavariya” jamoasi yarim himoyachisi Tiago Alkantaraning yozda jamoani tark etishi borasidagi mish-mishlar urchib ketganidan xabaringiz bor.
“Bild” nashri bergan xabarlarga qaraganda, yarim himoyachi hech qayerga ketmaydigan bo‘ldi.
Manbaning ma’lum qilishicha, futbolchi tez orada “Bavariya” bilan shartnomani uzaytirish borasida kelishuvga erishishga yaqin turibdi.
“Milan” “Arsenal” kurashga qo‘shildi
Italiyaning “Milan” jamoasi “Arsenal” nishonida turgan “RB Zalsburg” yarim himoyachisi Dominik Sobaslaini o‘z safiga qo‘shib olmoqchi.
“Milan News” nashri bergan xabarlarga qaraganda, “rossonerilar” allaqachon vengriyalik futbolchi uchun 15 million yevro taklif qilishga ulgurgan.
Manba bergan xabarlarga qaraganda, Avstriya klubi 19 yoshli futbolchini 20 milliondan kamiga qo‘yib yubormoqchi emasligini rasman e’lon qildi.
Eslatib o‘tamiz, avvalroq futbolchining o‘yinlarini “Arsenal” skautlari stadiondan turib tomosha qilishgan edi.
Remzi APLga qaytadi
Aaron Ramziy yozda APLga qaytishga juda yaqin turibdi.Calciomercatonashri bergan xabarlarga qaraganda, Turin klubi uyelslik futbolchini allaqachon o‘z rejalaridan chiqarib yuborgan va uning transferidan 30 million yevro ishlab olmoqchi.
Manba bergan ma’lumotlarga ko‘ra, tajribali futbolchining hizmatlari bilan “Chelsi”, “Manchester Yunayted” va “Liverpul” singari grand jamoalari qiziqish bildirmoqda.
“Manchester Yunayted” ishga kirishdi
Angliyaning “Manchester Yunayted” jamoasi Fransiyaning “Monako” klubi hujumchisi Vissam Ben Yeder bilan muzkoralarni boshladi.
“Le10Sport” nashri bergan xabaralarga qaraganda, “qizil iblislar” allaqachon fransiyalik hujumchining agenti bilan uchrashgan va shaxsiy shartnomaning ayrim bandlari borasida fikr almashgan.
Manba ma’lum qilishicha, “Monako” yevropkuboglarda ishtirok etmagani bois, hujumchini 40 million yevro evaziga sotib yuborishga tayyor.
