«PSJ» yarim himoyachisi Anxel di Mariyaning xotini Jorjelina Kardoso erining «Real»dan «Manchester Yunayted»ga o‘tgan davrini yodga oldi. Argentinalik futbolchi 2014 yilda 75 million yevro evaziga Angliyaga ko‘chib o‘tgan edi. Bir mavsumda so‘ng mankunianliklar uni 63 million yevro evaziga «PSJ»ga sotishgan edi.

«Esimda bor, Anxel «Manchester Yunayted»dan taklif tushganini hamda bu taklif moliyaviy tomondan manfaatli bo‘lishini aytgan edi. Biz bu mavzuda tortishib qoldik. Men esa unga Angliyaga bormasligimni, yolg‘iz o‘zi ketishi mumkinligini aytdim. U esa "Birga ketamiz", dedi.

Katta pul taklif qilingan edi. Shundan so‘ng ispaniyaliklar bizni yollanma ishchi deb atay boshlashdi. Ular haq edi! Agar siz bir kompaniyada ishlasangizu, raqib kompaniya 2 baravar ko‘p maosh taklif qilsa, siz uni qabul qilamiz!

Men Manchesterga yo‘l olishni istamadim. Chunki, biz o‘z vaqtida Serxio Agueroning xotini Janinna Maradona bilan dugona edik. Anxelga 2-3 kunlik dam olish imkoniyati berilganida, biz Serxio va Janinnani ko‘rish uchun Madriddan Manchesterga uchib kelgan edik. Ularning uyiga kirishimiz bilan: "Keyinroq ko‘rishamiz, biz ketayotgan edik", deyishdi. Bu shunchaki dahshatli manzara edi! Uning uyidan chiqqanimizdan keyin men Anxelga: «Istalgan mamlakatga bor, ammo Angliyaga emas», degandim.

Shunga qaramay, oradan 1 yil o‘tib biz Angliyaga ko‘chib o‘tdik va bu dahshatli bo‘ldi. U yerda menga hech narsa yoqmadi. Barcha ayollar ozg‘in... va g‘alati edi. Ko‘chada ketayotganingda ular seni o‘ldirmoqchi bo‘lgandek tasavvur uyg‘onadi. Ovqatlari yoqimsiz. Barcha qizlar xuddi qo‘g‘irchoq kabi bo‘yanib olishgan. Faqat men sochlarimni yig‘ib olgan holda makiyajsiz yurardim», — dedi Kardoso "Los Angeles de la Manana"ga bergan intervyusida.