APL menejerlari assosiasiyasi rahbari Richard Bevanning fikricha, agar APL klublari qolgan uchrashuvlarni neytral maydonda o‘tkazishga qarshi bo‘lsa, u holda mavsum muddatdan oldin yakunlanadi. Ushbu masala bo‘yicha ovoz berish 11 may kuniga belgilangan. Unda 20 ta klubning kamida 14 tasi ijobiy ovoz berishlari kerak.
"Vaqt bizga qarshi ishlamoqda. Agar biz mavsumni 12 iyun kuni tiklamoqchi bo‘lsak, u holda mashg‘ulotlarni yaqin kunlarda boshlashimiz kerak. Klublar esa qolgan uchrashuvlarni neytral maydonda o‘tkazishga qarshi, bu esa mavsumni muddatdan oldin yakunlashga olib keladi", — Bevanning so‘zlaridan iqtibos keltirmoqda BBC.
