"Yuventus" klubi yozgi transfer paytida "Chelsi" yarim himoyachisi Jorjinyoni qo‘lga kiritish uchun harakatlarni davom ettirmoqda.
"The National" tarqatgan xabarga ko‘ra, turinliklar "Chelsi"ga rasmiy murojaat yo‘llab, italiyalik futbolchi uchun 40 million yevro taklif qilishdi.
Jorjinyoning londonliklar bilan shartnomasi 2023 yilning iyuniga qadar tuzilgan. 28 yoshli futbolchi "Chelsi" safida ushbu mavsumda 37ta o‘yinda maydonga tushib, 7ta gol urdi va 2ta golga uzatma berdi.