Turinning «Yuventus» klubi rahbariyati haliyam Fransiyadan qaytmayotgan jamoa yarim himoyachisi Adriyen Rabyoning hatti-harakatlaridan norozi.
Yarim himoyachi koronavirus pandemiyasi sababli Fransiyadan Italiyaga kela olmayotgani haqida klub rahbariyatini ogohlantirdi, biroq, uning bu bahonasi o‘zini oqlash uchun sabab bo‘la olmaydi, chunki, jamoaning boshqa futbolchilari allaqachon jamoa ixtiyoriga yetib keldi.
Gazzetta dello Sport nashrining tarqatgan ma’lumotiga qaraganda, ushbu hodisa Rabyoning kelajagiga oydinlik kiritadi. Ehtimol, rahbariyat futbolchini sotib yuboradi.
