"Milan" hujumchisi Zlatan Ibrahimovichning haykali, katta ehtimol bilan, "Malmyo" stadionining ichki hududiga ko‘chiriladi. Bu haqda "The Guardian" xabar tarqatdi.

Shu yilning yanvar oyida g‘azablangan muxlislar shvesiyalik futbolchining stadion tashqarisidagi haykalini oyog‘ini va burnini arralab, uni qulatishgan edi. Ular bu bilan cheklanib qolmasdan "Zlatan"ning boshiga "Shvesiya" yozuvi tushirilgan koftani kiydirib, yerga esa "olib tashlash kerak", degan yozuv qoldirishdi.

Eslatib o‘tamiz, Ibrahimovich Stokgolmning "Xammarbyu" klubi egasiga aylanganidan tufayli "Malmyo" muxlislari buni xiyonat sifatida baholab, Zlatanni o‘zlariga dushman sifatida qabul qilishdi. Futbolchi esa "Malmyo" klubi tarbiyalaunvchisi hisoblanadi.