Italiya bosh vaziri Juzeppe Kontening fikricha, mamlakat futbolga muhtoj, lekin maksimal xavfsizlikni talab qiladi.

Shanba kuni bo‘lib o‘tgan matbuot-anjumanida Juzeppe Konte A Seriyani qayta tiklash kerakligini aytib o‘tdi. U amalga oshirish kerak bo‘lgan aniq tavsiyalar borligini ta’kidladi. Agar qoida buziladigan bo‘lsa, u holda jiddiy jazo mavjud.

Eslatib o‘tamiz, tibbiy protokollarga norozilik bildirgan A Seriyaning 8 ta klubi mashg‘ulotlarni qayta tiklashdan bosh tortdi. Ushbu protokolga muvofiq, agar biror bir klubda bitta futbolchi yoki xodimda koronavirus alomatlari sezilsa, u holda butun boshli jamoa 14 kunlik karantinga jo‘natiladi.

«Agar aniq belgilangan tavsiyalarga amal qilmasa, klublar javobgarlikka tortiladi. Faqat umumiy karantin bilangina koronavirusni yengish mumkin», — dedi Konte.