Италия бош вазири Жузеппе Контенинг фикрича, мамлакат футболга муҳтож, лекин максимал хавфсизликни талаб қилади.

Шанба куни бўлиб ўтган матбуот-анжуманида Жузеппе Конте А Серияни қайта тиклаш кераклигини айтиб ўтди. У амалга ошириш керак бўлган аниқ тавсиялар борлигини таъкидлади. Агар қоида бузиладиган бўлса, у ҳолда жиддий жазо мавжуд.

Эслатиб ўтамиз, тиббий протоколларга норозилик билдирган А Сериянинг 8 та клуби машғулотларни қайта тиклашдан бош тортди. Ушбу протоколга мувофиқ, агар бирор бир клубда битта футболчи ёки ходимда коронавирус аломатлари сезилса, у ҳолда бутун бошли жамоа 14 кунлик карантинга жўнатилади.

«Агар аниқ белгиланган тавсияларга амал қилмаса, клублар жавобгарликка тортилади. Фақат умумий карантин билангина коронавирусни енгиш мумкин», — деди Конте.