The Times nashrining tarqatgan ma’lumotiga qaraganda, UYEFA ijroqo‘mining yig‘ilishi keyinroqqa qoldirildi, chunki, kelasi yili bo‘lib o‘tadigan Yevro-2020 turniri uchun London kafolat xatini yubormadi.

Eslatib o‘tamiz, shu yilning 17 mart kuni Yevropa chempionati o‘yinlari 2021 yilga qoldirilgandi. Qolaversa, mezbon shaharlar turnir o‘yinlarini ma’lum bir kunga o‘tkazish rejasini tasdiqlashlari kerak. Londonda Yevropa chempionatining yettita o‘yini o‘tkazilishi rejalashtirilgan bo‘lib, shularning ikkita yarim final va bitta final o‘yinlaridir.