Angliya terma jamoasi sobiq yarim himoyachis Li Xendri qiyin voqea haqida so‘zlab berdi.

Angliyalik sobiq futbolchi Li Xendri futbolchilik faoliyatining eng yaxshi davrlarini «Aston Villa» klubida o‘tkazgan. U bu klub tarkibida 1994 yildan 2007 yilgacha to‘p surgan. Haftasida 30 ming funt sterling ishlab topadigan futbolchi faoliyatini yakunlaganidan so‘ng, barcha tejashini yo‘qotdi. Futbolchi ikki marotaba o‘z joniga qasd qilmoqchi bo‘lganini so‘zlab berdi.

«Men chuqur tushkunlikka tushib qoldim. Men butunlay bankrot bo‘ldim. Mening uyimni tortib olishdi. Ular mening onamni uyini tortib olishdi, bu meni barbod qildi.

Bu menga qattiq ta’sir ko‘rsatdi va o‘z jonimga qasd qilishga harakat qilganman. Uyg‘onganimda maxsus nafas beruvchi uskunalar taqilgan holda kasalxonada yotardim. Shundan so‘ng ham, men o‘z jonimga yana yana qasd qilishga harakat qilganman.

Hozirgacha har kuni kurashaman va antipressantlarni qabul qilaman.

Bir kuni dorixonaga bordim va bir dona tabletka oldim. Barcha tabletkani birdaniga ichib yubordim. Ha, bu juda xudbinlik edi, chunki mening besh nafar farzandim bor, lekin men barchani tushkunlikka tushirib qo‘yganimni his qilaman», – dedi futbolchi.

Xendri Angliya terma jamoasida ham to‘p surgan. Milliy terma jamoada bitta o‘yin o‘tkazgan va yoshlar terma jamoalarida muntazam ravishda o‘ynab kelgan.