Англия терма жамоаси собиқ ярим ҳимоячис Ли Хендри қийин воқеа ҳақида сўзлаб берди.

Англиялик собиқ футболчи Ли Хендри футболчилик фаолиятининг энг яхши даврларини «Астон Вилла» клубида ўтказган. У бу клуб таркибида 1994 йилдан 2007 йилгача тўп сурган. Ҳафтасида 30 минг фунт стерлинг ишлаб топадиган футболчи фаолиятини якунлаганидан сўнг, барча тежашини йўқотди. Футболчи икки маротаба ўз жонига қасд қилмоқчи бўлганини сўзлаб берди.

«Мен чуқур тушкунликка тушиб қолдим. Мен бутунлай банкрот бўлдим. Менинг уйимни тортиб олишди. Улар менинг онамни уйини тортиб олишди, бу мени барбод қилди.

Бу менга қаттиқ таъсир кўрсатди ва ўз жонимга қасд қилишга ҳаракат қилганман. Уйғонганимда махсус нафас берувчи ускуналар тақилган ҳолда касалхонада ётардим. Шундан сўнг ҳам, мен ўз жонимга яна яна қасд қилишга ҳаракат қилганман.

Ҳозиргача ҳар куни курашаман ва антипрессантларни қабул қиламан.

Бир куни дорихонага бордим ва бир дона таблетка олдим. Барча таблеткани бирданига ичиб юбордим. Ҳа, бу жуда худбинлик эди, чунки менинг беш нафар фарзандим бор, лекин мен барчани тушкунликка тушириб қўйганимни ҳис қиламан», – деди футболчи.

Хендри Англия терма жамоасида ҳам тўп сурган. Миллий терма жамоада битта ўйин ўтказган ва ёшлар терма жамоаларида мунтазам равишда ўйнаб келган.