Ushbu ruknimizdagi eng so‘nggi yangiliklar bilan tanishtirishda davom etamiz.

“Tottenhem” yangi futbolchilar izlamoqda

Londonning “Tottenhem” jamoasi yozda klubni tark etishi kutilayotgan Yan Vertongenning o‘rnini to‘ldirish uchun futbolchi izlashni boshlab yubordi.

AS nashri bergan xabarlarga qaraganda, “shporlar” transfer shortlistidan “Monako”ning 18 yoshli himoyachisi – Gilermo Maripana turibdi. Hozircha, tomonlar o‘zaro muzokaralarni boshlaganicha yo‘q, biroq futbolchining agenti mijozi yozda klubini almashtirishi mumkinligini rasman e’lon qildi.

Eslatib o‘tamiz, Maripana uchun “Monako” 50 million yevro talab qilmoqchi. Fransiya klubi himoyachini o‘tgan mavsumda “Alaves”dan 18 million evaziga sotib olgan edi.

Pyanich ketadimi?

Turinning “Yuventus” klubi yarim himoyachisi – Miralem Pyanich yozda faqat bir shart bilan klubini o‘zgaritishi mumkin.

“Mundo Deportivo” nashri bergan ma’lumotlarga qaraganda, bosniyalik futbolchi faqat “Barselona”ga o‘tsagina jamoadan ketadi. Aks xolda, u kontrakti yakunlanmasdan oldin jamoasini o‘zgartirmoqchi emas.

Manbaning ma’lum qilishicha, Pyanich allaqachon “Barselona” bilan shaxsiy shartnoma borasida kelishuvga erishgan va faqat uning transfer summasi hal etilsa bo‘lgani.

Ronaldu uni jamoasida ko‘rmqochi

“Yuventus” klubi hujumchisi Krishtiyanu Ronaldu “Fiorentina” hujumchisi Federiko Kyezani o‘z jamoasida ko‘rishni istamoqda.

“Calciomercato” nashri bergan xabarlarga qaraganda, portugaliyalik futbolchi klub rahbariyatidan uning transferini amalga oshirishni iltimos qilmoqchi.

Eslatib o‘tamiz, “Fiorentina” o‘z futbolchisini 50 million yevrodan kamiga qo‘yib yubormoqchi emas. Shuningdek uning hizmatlari bilan “Inter” ham qiziqib qolgan.

Osimxen Italiyada?!

Fransiyaning “Lill” jamoasi hujumchisi Viktor Osimxen kelasi mavsumni “A Seriya”da boshlashi mumkin.

“Sportitalia” nashrining ma’lum qilishicha, 21 yoshli nigeriyalik futbolchini “Napoli” o‘z safida ko‘rishni istamoqda. Neapol jamoasi yozda klubni tark etishga yaqin turgan Arkadiush Milikning o‘rnini aynan Osemxen bilan to‘ldirishni reja qilmoqda.

Eslatib o‘tamiz, hujumchining hizmatlari bilan “Bavariya”, “Manchester Yunayted” singari boshqa grandlar ham qiziqib qolgan.

“Arsenal” “Milan” futobolchisiga ko‘z tikdi

“Kononirlar” yozda “Milan” tayanch yarim himoyachisi Frank Kessi bilan shartnoma imzolashi mumkin.

Bu “Milan” jamoasi rasmiy sayti xabar bermoqda. Manbaning ma’lum qilishicha, London klubi yozda Torreyrani sotib yuborish orqali markazdagi joyni Frankka bo‘shatib berishni rejalashtirmoqda.

Eslatib o‘tamiz, “Milan” o‘z futbolchisini 20 million yevro evaziga sotib yuborishga tayyor ekanligini rasman e’lon qildi.