Stadion.uz KONKAKAF mintaqasidan yetishib chiqqan bugungi kundagi eng kuchli futbolchilardan tashkil topgan ramziy jamoani e’tiboringizga taqdim etadi.
Darvozabon – Keylor Navas
Qahramonimiz Kosta-Rika terma jamoasi bilan 2014-yildagi JCHda ko‘rsatgan fantastik o‘yinlari evaziga “Real Madrid” tomonidan harid qilinadi.
Keyinchalik darvozabon “qirollik klubi” bilan klublar doirasida erishish mumkin bo‘lgan barcha yutuqlarni qo‘lga kiritdi va endilikda PSJ sharafini munosib himoya qilib kelmoqda.
Chap qanot himoyachisi – Alfonso Devis
Bu pozitsiyani kanadalik vunderkind Alfonso Devis berkitadi. Aslida vinger bo‘lishiga qaramay, qahramonimiz “Bavariya” safida o‘zini fulbek sifatida namoyish etishga muvaffaq bo‘ldi. Uning debyuti shu qadar yorqin chiqdiki, hatto klub David Alabani sotib yuborishga tayyor ekanligini rasman e’lon qilib yubordi.
O‘ng qanot himoyachisi – Deandrea Yedlin
Dunyoning eng tezkor futbolchilaridan biri sanalmush AQSH terma jamoasi a’zosiAPLda bir necha yillardan beri turli jamoalar sharafini himoya qilib kelmoqda. Ayni damda “Nyukasl” klubining yangi loyihasida unga ham joy naqd qilingan.
Markaziy himoyachi – Jon Entoni Bruks
Germaniyada uzoq yillardan beri istiqomat qilishiga qaramay, Bruks AQSH terma jamoasi futbolchisi sanaladi. “Gerta”klubi tarbiyalanuvchisi o‘tgan mavsumda “Volfsburg” futbolchisiga aylandi va mavsumni asosiy himoyachi sifatida davom ettirmoqda. Baland bo‘yli, jismonan baquvvat futbolchi bugungi kunda “bo‘rilar”ning standartlardagi asosiy qurli desak, adashmagan bo‘lamiz.
Markaziy himoyachi – Ektor Moreno
Bu nuqtada Meksika terma jamoasi a’zosi o‘rin olmoqda. Faoliyati davomida PSV, “Espanyol”, AZ singari klublar sharafini himoya qilgan himoyachibugungi kunda “Al-G‘arafa” futbolchisi sanaladi. Shunga qarama, u hali-hamon Meksika terma jamoasidagi o‘rnini yo‘qotmagan.
Chap qanot yarim himoyachisi – Leon Beyli
Yamaykalik futbolchi katta futbolda shov-shuv ko‘tarishga ulgurdi. Ajoyibtezlik va super iqtidor aralashmasi. 2017-yilda nemis klubi tomonidan harid qilingan yarim himoyachi ayni damda jamoaning asosiy yulduzlaridan biri sanaladi. Uning transfer qiymati ham 50 milliondan ortiqroq.
O‘ng qanot yarim himoyachisi - Kristian Pulishich
AQSH terma jamoasi yulduzi Yevropadagi faoliyatini “Borussiya Dortmund”da boshlagach, ko‘plab grandlar e’tiboriga tushdi. Shunday bo‘lsada, Kristian ketishga shoshilmadi va o‘zini to‘liq namoyish etish payida bo‘ldi. Yakunda “Chelsi” uning transfer huquqini sotib oldi. Bugungi kunda qahramoniz Frenk Lempardning ishongan futbolchilarida biriga aylangan.
Markaziy yarim himoyachi – Atiba Hatchinson
Markazga og‘ir artileriyani joylashtirishga qaror qildik. 37 yoshni qarshi olganiga qaramay, Atiba top darajada futbol namoyish etishda davom etmoqda. Kanada terma jamoasi sardori faoliyatini Daniya klublarida boshlagan bo‘lsada, unga mashxurlik “Beshiktash” klubiga o‘tgach keldi. Hatchinson 2013-yilda klub libosini kiygan bo‘lsa, bugungi kunda istanbulliklarning sardori sanaladi.
Markaziy yarim himoyachi – Ektor Errera
Bu nuqtadan Meksikalik Errera o‘rin oladi. Uzoq vaqt mobaynida “Portu” klubi sharafini himoya qilgan yarim himoyachi o‘tgan mavsumdan “Atletiko Madrid” futbolchisiga aylandi. Zamonaviy Meksika terma jamoasini usiz tasavvur etish mushkul. Errera allaqachon “Atseklar” uchun 70 dan ortiq uchrashuvda maydonga tushishga ulgurdi.
Hujumkor yarim himoyachi – Karlos Vela
“Arsenal” safidagi o‘yinlari bilan muxlislar e’tiboriga tushgan Velani ortiqcha tanishtirib o‘tirishga hojat yo‘q. Chap oyoqda kuchli zarbalar ijjro etish borasida istalgan yulduz bilan tenglasha oluvchi Vela ramziy jamoamizning asosiy yulduzi. U bugungi kunda MLS o‘zini juda yaxshi his etmoqda.
Markaziy hujumchi – Raul Ximenes
Meksikalik forvord o‘zining gollari bilan APL jamoalarini ranjitishda davom etmoqda. Baland bo‘yli, vaziyatlari sovuqqonlik bilan hal etuvchi, tomma’nodagi klassik forvord. U hozircha “Vulverhempton” sharafini himoya qilib kelmoqda. Shunday bo‘lsada, tez orada uni grand klublardan birida ko‘rishimiz hech gap emas.
