"Navbahor" klubi bosh murabbiyi Andrey Kanchelskis Rusfootball.info nashriga bergan intervyusida pandemiya sharoitida mavsumni qayta boshlash haqida o‘z fikrini bildirdi.

— Ikki oydan beri O‘zbekistonda karantindamisiz?
— Ha, albatta. Men hech qayerga uchib ketganim yo‘q. Legionerlar ham uchib keta olishmadi. Hozir mashg‘ulot jarayonini boshlash uchun rasmiy ruxsatni kutyapmiz. Nazarimda, iyun oyi o‘rtalarida chempionatni boshlashimiz mumkin. Bu yerda kasallangan soni kamaymoqda. Asta-sekin barchasi izga tushmoqda. Do‘konlar, bozorlar ochilmoqda. Shuning uchun futbol ham qaytishiga umid qilishimiz mumkin. Albatta, o‘yinlar tomoshabinlarsiz o‘tadi.

— Rossiya chempionati 21 iyun kuni boshlanadi. Tabiiyki, o‘yinlar bo‘sh stadionlarda o‘tadi. Bunday holatda o‘ynash qanchalik xavfli? Har holda futbol — kontaktli o‘yin turi.
— Agar jamoa karantinda bo‘lsa, klub bazasida yashayotgan bo‘lsang, hech qayerga chiqmayotgan bo‘lsang, qanday qilib kasallik tarqalishi mumkin? Jamoa ikki haftalik karantinda o‘tirsa va hech qanday kasallik aniqlanmagan bo‘lsa, mavsumni qayta boshlash mumkin. Nima muammo? Chempionatni albatta oxiriga yetkazib qo‘yish kerak.